Адријана Лима вчера наполни 37 години. Атрактивниот ангел на Victoria’s Secret доби прекрасно роденденско изненадување од малите ќеркички Валентина и Сиена, нејзиниот сакан Метин Хара и пријателките.
Лима на Instagram преку фотографии и видеа откри дека блиските ја дочекаа со балони, цвеќиња и роденденска торта.
Лима ги дуваше свеќичките на роденденската торта покрај малите ќерки и Хара, со кого е во врска една година.
„Ако ти си во твојот кревет, а јас во мојот, еден од нас е на погрешно место.“
„Измина точно една година откако те запознав. Ме направи најсреќниот човек на планетата... Среќен роденден, ангелу мој!“ – вака турскиот писател ѝ го честита роденденот на својата сакана и сподели фотографија од неа.
