По страотната експлозија во Бејрут, во која беше разрушено и неговото ателје, Зухаир Мурад организираше хуманитарна кампања за потпомагање на настраданите.
Неговите клиентки веднаш се вклучија во акцијата за собирање на средства за хуманитарната организација „Offrejoie“.
Џенифер Лопез, Алесандра Амбросио, Софија Вергара, Кортни Кокс, Кортни Кардашијан, Оливија Кулпо, Ана Дело Русо и Шанина Шајк се меѓу ѕвездите кои ги облекоа маичките дизајнирани од Мурад со порака „Rise From The Ashes“ (Издигни се од пепелта).
Сите средства од продажбата на маичките ќе бидат искористени за помагање на илјадниците настрадани во главниот град на Либан.
И самиот Мурад објави фотографија на која ја носи маицата и порача: „Заедно ќе се #ИздигнемеОдПепелта (#RiseFromTheAshes). Придружете ми се во помагањето на луѓето од Бејрут кои изгубија толку многу за време на оваа ужасна трагедија.“
Зградата во која беа сместени ателјето и канцелариите на Зухаир беше значително оштетена од силната експлозија. Никој од неговиот тим не беше сериозно повреден.
