Деновиве на социјалните мрежи интензивно се споделува видео од руски доктор, кој му врши преглед на новороденче. Поради „грубото“ однесување на докторот, видеото ја подели јавноста.
Снимката беше објавена од учителката од Белград, Нада Лазиќ, и брзо стана вирален хит на интернет.
Видео
Сепак, додека едни корисници го навредуваа докторот и ја коментираа неговата грубост и непрофесионалност, други ја искажаа својата почит и одушевување за темелниот преглед кој докторот му го прави на бебето. Не беа ретки и комплиментите за брзото смирување на расплаканото новороденче.
Инаку, видеото е снимено пред неколку години, а докторот Омаров Гамзат Гаджиевич е врвен ортопед кој работи во Санкт Петербург. Минатата година, тој сними видео во кое одговара на најчестите прашања кои му се поставувани.
