Стаклена црква во облик на чевелот на Пепелашка „никна“ во Тајван со цел да привлече што повеќе вернички.
Модерниот верски објект е специјално дизајниран за да им се допадне на припадничките на понежниот пол, а неговата изградба беше комплетирана пред неколку дена. Објектот ќе ги отвори вратите за посета пред Кинеската Нова година, која оваа година се слави на 8 февруари.
Изградбата на црквата висока 17 метри започнала пред повеќе од два месеци. Вкупно 322 парчиња стакло со сина боја биле потребни за да се долови посакуваниот изглед.
Претставник на црквата изјавил дека во неа ќе има 100 елементи кои би им се допаднале на жените, како и столови за партнери, јаворови лисја и бисквити и колачи за младенците кои стапуваат во брак да можат да создадат совршени свадбени фотографии.
Сè уште не е точно прецизирано за каков тип на црква станува збор.