Делата на Ангела Клејтон ќе ви покажат дека секогаш треба да ја следите својата страст. Талентираната девојка од Лонг Ајленд, Њујорк, се инспирира од својата љубов кон модата од средновековието и од принцезите на Дизни и создава одушевувачки фустани и костими.
18-годишната Американка започнала да шие пред само неколку години, а нејзиниот талент со текот на времето сè повеќе и повеќе се развива.
Клејтон ги обожавала манифестациите на кои се носат костими инспирирани од ликови од анимираните филмови, но бидејќи не можела финансиски да си ги дозволи костимите кои се продавале онлајн, таа решила да ги преземе работите во свои раце. Пред четири години таа го создала својот прв костим – школска униформа од јапонски анимиран филм.
Ангела се надева дека нејзиното хоби ќе стане нејзина професија. „Се надевам дека мојата идна кариера ќе произлезе од ова. Навистина уживам да го правам. Обожавам да правам костими и сакам да ги оживувам идеите. Ако можам тоа да го правам за мода, особено за филм или театар, тоа ќе биде одлично. Тоа е мојата работа од соништата“ – изјавила таа.