Австралијката Ерин Елизабет Хоскинс ги овековечува спокојството и милоста на бебињата неколку денови или недели по нивното раѓање. Фотографиите се драгоцени спомени за родителите, па воопшто не е чудно што сè повеќе млади семејства го посетуваат студиото на Ерин.
„Непрекинато се изненадувам колку брзо растат и се менуваат и бескрајно сум благодарна што можам да издвојувам време за да овековечам колку што е можно повеќе од моментите кога тие се бебиња и деца“ – вели Ерин.
Гордата мајка на две девојчиња веќе 6 години плови во водите на фотографијата и е една од најпознатите австралиски фотографки. За неколкучасовните фотосесии таа користи само природна светлина.