Додека дизајнерите се делат на два тима во однос на тоа дали сакаат да ја облекуваат идната прва дама на САД, Меланија Трамп привлекува огромно внимание со стилскиот избор.
За новогодишната забава организирана од Доналд Трамп, таа носеше црн фустан со блескави детали на рамената од Долче и Габана.
На една од фотографиите, Меланија го бакнува 10-годишниот син Барон Вилијам, додека на друга танцува со својот сопруг.
Дизајнерот Стефано Габана сподели фотографија од 46-годишната поранешна манекенка за да ѝ се заблагодари за тоа што носеше креација од неговиот бренд.
Свеченоста се одржа во Мар-а-Лаго во Палм Бич, а на неа присуствуваа околу 800 гости, меѓу кои и Силвестер Сталоне со сопругата Џенифер Флавин.
