На 21 септември се одбележуваше Светскиот ден на Алцхајмеровата болест. По тој повод, во Скопје се одржа настан кој го поддржа и Првата дама Елизабета Ѓоргиевска.
„Денес, на Светскиот ден на Алцхајмеровата деменција, да пратиме порака дека способноста за помнење и сеќавањата се наша привилегија. Деменцијата одамна не е веќе нешто што му се случува на некој друг. Нашиот придонес во борбата со неа ги надминува медицинските достигнувања и навлегува во сферата на човечките доблести. Колку повеќе ја поттикнуваме кај себе човечноста, разбирањето и информираноста за болеста, дотолку повеќе влијаеме на создавање хумани услови за живот за сите.“
„Секој од нас треба да е вклучен во мисијата да им се помогне на луѓето кои трагаат по сеќавањата и не ги препознаваат дури ни своите најблиски, кои ја губат можноста самите да го креираат својот живот. Да ги разбереме и да им помогнеме иднината да им стане посреќна“ – стои во објавата на Првата дама на Facebook.
Сопругата на Претседателот Стево Пендаровски изгледаше елегантно во твид фустан и нежна марама.
Настанот под мотото „Сети се“ е во организација на Институтот за Алцхајмерова болест и невронаука.