Старец, кој изгубил речиси сè што поседувал откако преживеал срцев удар, ги доби назад своите две кучиња. Емотивниот момент сега е вирален хит на Facebook.
Heres the video to the story!
Posted by Lindsay Marie on четврток, 17 декември 2015
Ветеранот чиј идентитет не е откриен, бил хоспитализиран во септември. Бидејќи немало кој да се грижи за кучињата Бејли и Блејз, тие биле привремено сместени во засолниште за животни. Но, откако поминале месеци во Центарот за животни, двете миленичиња биле објавени за посвојување.
Кога сопственикот се јавил за да праша како се „неговите бебиња“, му било кажано дека има оглас за нивно посвојување и дека за да ги добие назад, потребно е да плати за трошоците за огласувањето. Тој веднаш започнал да собира пари и имал намера да продаде едно од малкуте нешта кои му останале – автомобилот, не знаејќи дека мала армија на добродушни лица веќе вредно работеле за да му ја исполнат големата желба.
Вработените во центарот, со помош на волонтери, не само што собрале доволно пари за да му ги покријат трошоците, туку и му купиле храна, играчки и ваучери за кучињата.
Старецот го дочекал претпразничното изненадување со широка насмевка, солзи во очите и бакнеж упатен кон небото.
„Приказна со среќен крај за Божиќ. Кучињата на овој господин пристигнаа во засолништето за да ги чуваме на безбедно кога тој беше хоспитализиран поради тежок срцев удар. Но, на крајот, тие беа дадени за посвојување, бидејќи поради лошата здравствена состојба, тој не беше во можност да ги земе.
Тој загуби сè, вклучително и својот дом, но никогаш не престана да се јавува за да ги провери своите бебиња, дури и кога беше на болница и едвај можеше да зборува. Неодамна тој повторно се јави за да ни каже дека пронашол место за живеење и дека собира пари за да ги плати трошоците за да си ги врати кучињата, кои сè уште не беа посвоени.
Кога вработените и волонтерите дознаа за тоа, без да му кажат, го намалија износот за трошоците, собраа пари за да му помогнат да ги покрие и донираа храна, ваучери итн. Тој не знаеше за тоа додека не дојде да ги провери денес. Пресреќни сме што гледаме како Бејли и Блејз се враќаат заедно дома за Божиќ со својот татко, кој очигледно им недостигаше и се надеваме дека ќе имаат многу среќен празник“.
