WestJet секоја година шири празнично расположение преку изненадувања. Авионската компанија годинава си постави мисија во рок од 24 часа да направи 12.000 „мини-чуда“ (добри дела кои поттикнуваат позитивни реакции).
Вработените во канадската компанија нахранија гладни, развеселија дечиња со играчки, изненадија ужалостено семејство со патување во Дизниленд, усреќија ветеран со семеен одмор на Хаваи, ја наградија публиката на Елен Деџенерис со бесплатно патување до Ванкувер, донираа во организација за заштита на животни...
На крајот, бројката на добри дела беше над 31.700.
