Јоханес Штетер го мами човечкото око со своите дела. На прв поглед, на фотографијата ќе здогледате морска желка, но со внимателно набљудување ќе забележите дека всушност станува збор за насликано женско тело.
Талентираниот артист ги искористи своите вештини за да го трансформира телото на моделот Сара Костабие во морска желка.
ВИДЕО
Штетер е и поранешен светски шампион во бодипејнтинг, кој постојано одушевува со своите дела. Тој вели дека клучот до успехот е во љубовта кон својата работа. „Сметам дека го набљудувам светот, природата, боите и формите со многу јасен поглед и со отворено срце. Сликањето е моја голема страст“ – вели тој.
Меѓу неговите попознати дела се камелеон од две насликани тела, тропска жаба од пет женски тела и трансформацијата на жена во папагал.