Доктори од Венецуела предизвикаа бура од реакции со видеа од невообичаен начин на породување, кој тие го нарекуваат „нежен царски рез“ или „хуманизиран царски рез“.
Во нив, бебенце излегува бавно од утробата низ засекот. При овој тип на породување, бебето не се извлекува веднаш од стомакот на неговата мајка, туку му се овозможува „природно“ да излезе, за притоа течноста да му се истисне од градите како при нормалното вагинално породување.
Внимание! За некои лица видеата може да бидат вознемирувачки.
Клиниката од Венецуела „Centro de Fertilidad Clínica Lugo“ се залага за хуманизација на сите начини на породување. На сајтот и на социјалните мрежи, вработените во неа редовно споделуваат видеа од породувања со „нежен царски рез“.
