Четири талентирани девојчиња создадоа песна за македонскиот музичар Влатко Илиевски, кој почина минатата година на 33-годишна возраст.
Елена Георгиевска, Матеа Илиева, Викторија Ефтимова и Анастасија Илиевска, кои се членови на хорот „Златно Славејче", ја напишаа и снимија песната „Недостигаш“ посветена на нивниот пријател и идол Влатко Илиевски.
„Секогаш твоето име ќе го величиме и засекогаш ќе остане врежано во нашите срца. Со тебе пораснавме, се дружевме, а сега те нема... Ќе се потрудиме да го зачуваме твоето дело и никогаш да не бидеш заборавен!“ – напишаа девојчињата.
Влатко беше пронајден мртов во неговиот автомобил на 6 јули минатата година.
