Индијка веројатно стана најстарата родилка на светот откако роди близначиња на 74-годишна возраст.
Ерамати Мангајама и нејзиниот 78-годишен сопруг Раџа Рао со децении се обидувале да имаат дете, но не успеале да станат родители. Нивните соништа за бебе се обновиле минатата година, кога нивна сосетка останала бремена на 55-годишна возраст.
Парот, кој е во брак од 1962 година, стапил во контакт со приватна болница и докторите се согласиле да се обидат да им ја исполнат желбата со вештачко оплодување. Ерамати зачнала во јануари годинава.
„Таа остана здрава, затоа што немаше дијабетес или висок крвен притисок. Бидејќи има 74 години, моравме да извршиме царски рез за да се родат бебињата“ – изјавил д-р Аруна.
Индиските медиумски агенции известуваат дека мајката веќе имала поминато низ менопауза, па докторите искористиле јајце-клетки од донор и ги оплодиле со сперма од нејзиниот сопруг.
„Ние сме најсреќниот пар на светот денес. Имаме наши деца“ – изјавил таткото.
Докторите тврдат дека станува збор за светски рекорд. Ако возраста на мајката биде докажана, таа ќе биде впишана како најстара родилка на светот.
Контроверзното оплодување на жени на поодмината возраст е честа практика во Индија. Пред три години, Далиндер Каур роди момче на 72 години.
Многумина гласно ги критикуваат индиските доктори што дозволуваат и потпомагаат оплодувања кои носат огромни ризици и за здравјето на жените и на самите бебиња.
Andhra Pradesh: 74-year-old woman Erramatti Mangayamma gives birth to twins through IVF (In vitro fertilisation) method, in Guntur today. pic.twitter.com/vVqaPaET8e
— ANI (@ANI) September 5, 2019
