Елиша Квин го поседува еден од најнеодоливите Instagram профили. 33-годишната блогерка создава прекрасни фотографии со трите ќеркички и ги споделува со своите следбеници.
Креативната Австралијка, која живее во Квинсленд, покажува дека покрај сериозна и строга, мајката може да биде и забавна.
5-годишната Логан, 3-годишната Алеја и 1-годишната Ајла се нејзини преслатки мини копии, со кои неретко се облекува во складни аутфити.
Елиша вели дека голема одговорност е да се погрижиш три мали девојчиња да израснат во независни, силни и паметни жени.
„Одговорноста е преголема, секојдневно се прашувам дали ги правам вистинските избори за тие да израснат во независни жени во иднина. Исто така, многу е возбудливо кога се прашувам какви личности ќе станат“ – изјавила таа.
„Претпоставувам највозбудливото нешто во тоа да бидеш мајка на три девојчиња е надежта дека ќе имаш три најдобри пријателки за цел живот. Знам колку сум блиска со мојата мајка и колку многу ја сакам, па возбудлива е помислата дека со моите три девојки ќе ја делиме истата таа специјална врска“ – објаснила Елиша.