Секоја мајка би направила сè што е во нејзина моќ за да ги спаси, згрижи и заштити своите малечки и тоа не се однесува само на луѓето.
Куче, кое подоцна го добило името Црнка (Negrita), ископало дупка и ги ставило внатре своите девет малечки кучиња за да ги спаси од шумски пожар во Чиле. Грижливата мајка инстинктивно направила засолниште под метален контејнер.
Откако пожарникарите се избориле со огнените јазици, биле известени дека куче носело малечки кучиња и дека веројатно ги закопало за да ги заштити. Потрагата започнала веднаш и за кратко време биле пронајдени деветте кученца. „Тие беа живи и здрави“ – изјавила личност вклучена во спасувачката мисија.
Тргонати од мајчинската љубов, неколкумина од локалните жители се понудиле да ја посвојат храбрата мајка и дел од малите кученца.
