Фотографии од пет трудници, чија бременост е овековечена во преслатка фотосесија инспирирана од дизниевите принцези, освојуваат срца низ светот.
На нив, идните мајки ги покажуваат своите труднички стомачиња додека позираат во „улогите“ на Бела, Снежана, Јасмин, Пепелашка и Тијана. „Нè усреќи тоа што за момент се почувствувавме како да сме вистински принцези“ – изјавила една од бремените жени.
Идејата за магичната фотосесија била на фотографите Вик и Мари, брачни партнери кои со години се бореле со неплодност. Бидејќи не можеле да имаат свое биолошко дете, тие одлучиле на идните мајки да им ја подарат оваа фотосесија, која слави еден од најубавите периоди од нивниот живот – бременоста. „Тоа е толку убав и сладок момент од животот, момент кој многумина не можат да го искусат и момент кој треба да биде прославен“ – велат талентираните фотографи.