Ајви Кимбл ќе освојува срца оваа празнична сезона. 4-годишното девојче со Даунов синдром е ѕвезда во новогодишниот каталог на компанијата за кукли „American Girl“.
Таа изгледа апсолутно неодоливо во црвено фустанче и држи кукла во рацете со идентична облека.
„Таа е неодолива и одлично е да се работи со неа. Фотографиите кои ги направивме со неа за нашиот новогодишен каталог се прекрасни“ – велат од компанијата.
„Луѓето инстантно се вљубуваат во Ајви. Таа има магнетски привлечен карактер. Сите сакаат да бидат околу неа“ – вели мајката на девојчето.
Ајви била избрана преку кастинг, на кој била пријавена заедно со своите две сестрички.
Сè повеќе компании во светот започнуваат да се залагаат за инклузија на лицата со посебни потреби и придонесуваат за да се зголеми свеста за Дауновиот синдром.
