Кој последен се смее, најслатко се смее.
Девојка, која тежела 143 килограми и била нарекувана „дебела“, ослабе 65 килограми и им „дава корпа“ на момчињата кои во минатото жестоко ја навредувале, а сега сакаат да се состануваат со неа.
Ема Поуп постојано била навредувана на училиште поради нејзината тежина, но никогаш не кажала никому за тоа. Таа одлучила да ја започне големата трансформација на 17-годишна возраст, кога за време на натпревар во одбојка неколку момчиња започнале да ѝ довикуваат да го тргне дебелиот задник од теренот.
„Бев многу малтретирана на училиште, но никогаш не им кажав на моите родители. Чував сè во себе и никогаш не кажав ништо за навредливите коментари кои ми ги упатуваа децата. Беа ужасни кон мене. Постојано ме викаа „дебела девојка“, но најлошиот момент за мене се случи за време на натпревар во одбојка кога бев малтретирана поради облеката која ја носев.“
„Неколку момчиња викаа дека треба да го тргнам мојот дебел задник од игралиштето и толку многу ме разлутија, што мораше да ме извадат со полиција“ – признала 23-годишната девојка од Тексас.
Кратко време откако започнала да го менува изгледот, Поуп ја контактирале истите момчиња кои претходно ја малтретирале за да ѝ се извинат, но и за да флертуваат со неа.
„Добивав пораки од момчиња кои ми се извинуваа и ми велеа дека се изненадени од мојот сегашен изглед. Мислам дека не очекуваа да се претворам во ова што сум и зажалија што беа толку ужасни. Се сомневам дека се извинуваат поради нивната добродушност, дефинитивно има скриен мотив, па ако се обидат да флертуваат со мене, веднаш ги одбивам“ – вели Ема.
Стоун, која студира за да стане медицинска сестра, сега вежба четирипати неделно и се храни здраво. Нејзиното дневно мени брои околу 2.000 калории. Таа вели дека сака да биде пример за своите пациенти. „Откако ќе дипломирам, сакам да бидам најдобриот можен пример, а не сакам да бидам нездравата личност која им дава совети на болните за нивните животи“ – вели таа.
Ема сега со насмевка се сеќава на навредливите коментари од минатото. „Сега се смеам на злобните коментари кои некогаш ме вознемируваа и со кои тешко се справував, бидејќи изгледам и се чувствувам одлично“ – вели таа.