Свадбената фотосесија на Ферис и Маргарет Ромари ќе ви покаже дека вистинската љубов може да трае засекогаш.
90-годишниот маж и неговата 89-годишна сакана немаат фотографии од својата свадба, па по повод 70-годишнината од нивниот брак, внуката Аманда одлучи да им ја подари свадбената фотосесија која што никогаш ја немале.
Елегантниот пар освои илјадници срца на интернет со фотографиите кои зрачат со љубов и среќа.
„Клучот за долг брак е да си давате простор еден на друг и да се почитувате“ – рекол Ферис.
„Тие се прекрасен пример за тоа како треба да изгледа еден брак. Ако се појави проблем меѓу нив, поважно им е да направат компромис и да продолжат понатаму одошто да бидат во право. За нив, два е секогаш подобро од еден“ – рекла фотографката Лара.
Ферис и Маргарет стапиле во брак на 24 ноември 1946 година. Сега тие имаат четири деца, осум внуци и осум правнуци.