Романтична фотосесија на пар кој ја негува својата љубов речиси шест децении ќе ве разнежни.
Клема и Стерлинг Елмор станаа интернет сензација откако снимија фотосесија инспирирана од филмскиот хит „The Notebook“. Фотографиите, на кои парот си разменува слатки погледи и нежности, поттикнаа многумина да признаат дека посакуваат ваква љубовна приказна.
„Никогаш не пропуштаме да си кажеме Те сакам, веројатно по 10 пати дневно“ – рекла Клема и дополнила дека вербата во Бог, работењето на врската и почитта еден кон друг се клучни за долга љубов.
76-годишната Клема и 80-годишниот Стерлинг, кои имаат две деца, ќе ја прослават 58-годишнината од бракот во февруари.