Разговорите меѓу луѓето и автомобилите во минатото беа дел само од научно фантастичните филмови. А сега, иднината пристигна и тие се реалност.
Со инвентивна презентација, во Македонија беше претставен првиот Mercedes-Benz автомобил кој е способен да зборува со возачот и да ги учи неговите желби и навики.
Првиот разговор со новата А-Класа го направи секогаш шармантната Викторија Лоба, која беше облечена во црвена креација од ателје Коцарева. 29-годишната пејачка и детално го претстави новиот автомобил, за кој истакна дека е најаеродинамичниот во својата класа и со најмногу вградени системи за безбедност во светот.
Зборувајќи со Mercedes A-Класата, Викторија преку едноставни реченици успеа да ја прилагоди температурата во возилото, да избере омилена радиостаница, да направи телефонски повик и да го отвори сончевиот покрив.
Ваквата комуникација е овозможена благодарение на новиот систем - Mercedes-Benz User Experience (MBUX), со кој Mercedes најавува нова ера на дигиталната комуникација.
Што се однесува до технолошката напредност, луксузот и удобноста, таа ја презентираше внатрешноста на автомобилот кој веќе нема класична инструмент табла, туку има два дигитални екрани со големина од 10 инчи и може да се ракуваат со допир, потоа внатрешност што може да се обои во 64 различни бои, а за оние што сакаат вистинско уживање може да нарачаат масажери, вградени во седиштата.
Зад спектакуларното откривање стои МакАутостар, генерален застапник на Mercedes-Benz во Македонија. Инаку, новата A-Класа беше претставена пред јавноста откако претходно беше скриена во мистериозна црна кутија со тајмер во Сити Мол која предизвика огромно внимание во јавноста и на социјалните мрежи.
„Доаѓањето на нешто сосема ново, како што е Mercedes А-Класата, автомобил што зборува со возачот значи поинаков начин на размислување, а тоа е симболиката на ова претставување, да се размислува Out of the box”, изјави директорот за маркетинг на МакАутостар, Владица Кокаловиќ.
На линкот се достапни повеќе информации за новата Mercedes A-Class.
