Џастин и Емили Балдони често споделуваат видеозаписи од најважните моменти од својот живот на YouTube.
Пред два дена, парот објави емотивно видео во кое им ја соопштува на блиските среќната вест дека Емили е бремена. Бурните искрени реакции се доказ дека ваквите моменти треба да бидат овековечени.
На крајот на видеото има изненадување и за Емили и Џастин – тие отвораат извештај од гинеколог и го дознаваат полот на бебето.
Во 2013 година, 31-годишниот актер и режисер привлече огромно внимание кога објави 25-минутно видео во кое ѝ предлага брак на Емили. Креативното запросување брзо стана вирален хит со над 10 милиони прегледувања на YouTube.
