Европските кралски семејства вчера пристигнаа во Осло за да го прослават 80-тиот роденден на норвешкиот крал Харалд и норвешката кралица Соња.
Гламурозни креации од врвни дизајнери ја исполнија кралската палата во норвешката метропола, а елегантните дами блескаа за време на гала вечерата.
Бремената шведска принцеза Софија блесна во црн фустан од Оскар де ла Рента. 32-годишната сопруга на принцот Карл Филип го надополни својот изглед со сјајна тијара на главата.
Истиот фустан, Софија го носеше и на доделувањето на Нобеловите награди во 2015 година, додека беше бремена со своето прво дете.
На гала вечерата, голем впечаток остави и шведската принцеза Викторија, која за свеченоста избра креација од либанскиот дизајнер Ели Сааб. На главата таа ја носеше тијарата Baden fringe.
Погледнете фотографии и од останатите гости на кралскиот јубилеен роденден.
