Ристо Меловски, познат како диџеј Ицко, на 48 години ја загуби битката со КОВИД-19. Многу лица кои го познаваа, преку пораки на социјалните мрежи, изразија сочувство до семејството.
Неговата ужалена сопруга Наташа сподели емотивен текст и семејни фотографии преку кои му се заблагодари за љубовта и поддршката.
Прочитајте го текстот во целост:
Нема зборови, нема утеха за твојата загуба. Ти благодарам што ми беше другар, сопруг, пријател, родител за пример и другар со големо Д за сите. Празнината секогаш ќе боли, но среќни сме затоа што беше дел од нашиот живот.
Те сакам и секогаш ќе те сакам, душичке моја, љубов моја. Ти благодарам за секој прекрасен момент, за тоа што секогаш знаеше да ме насмееш и орасположиш.
Тешко е, но морам да продолжам понатаму заради тебе, бидејќи ти беше човек кој секогаш одеше напред, морам и заради нашите деца, бидејќи ти веруваше во мене.
Ќе излеземе на прав пат не се секирај и не се сомневај, бидејќи ти секогаш внимаваш на нас, знам.
Нека ти е светол патот кон вечноста.
Наташа и Ристо се родители на две деца.
