Џенифер Лопез ги објави фотографиите за претстојниот албум „This Is Me… Now“.
Во фотосесијата, 54-годишната музичарка заводливо позираше во црн фустан со длабоко деколте од Christopher Esber и во цветна креација од YANINA Couture. Лопез доби бројни комплименти за младоликиот изглед.
Зад објективот застана Норман Рој.
„This Is Me… Now“ е деветти студиски албум на Џеј Ло кој ќе излезе на 16 февруари. Тој е продолжение на студискиот албум „This Is Me... Then“ од 2002 година, кога таа за првпат беше во врска со Бен Афлек.
Покрај албумот, на истиот датум ќе биде објавен и истоимениот филм на Лопез во кој е прикажано нејзиното патување до пронаоѓање на вистинската љубов.
