Додека во јавноста кружат гласини дека Алекс Родригез ја изневерувал Џенифер Лопез пред нивната свршувачка, таа не дозволува тоа да влијае на нејзиното расположение.
Откако снимаше сцена за нејзиниот нов филм „Hustlers“, 49-годишната актерка и пејачка се упати на шопинг, па на вечера со 43-годишниот свршеник и нивните деца. Лопез изгледаше насмеано и среќно додека разговараше со Алекс и децата.
Родригез ја придружуваше Лопез и на снимањето на нејзиниот филм. Тие беа фотографирани додека се бакнуваа зад камерите.
Пред неколку дена Зои Грегори, британски плејбој модел, го обвини Алекс дека непосредно пред свршувачката ѝ пишувал пораки во кои барал секс во тројка со неа.
Тоа не е прво обвинување за неверство кон Родригез. Претходно, бејзбол играчот Хозе Кансеко исто така го обвини дека имал афера со неговата поранешна сопруга. „Ја гледам Џеј Ло како му пишува порака на Алекс Родригез, без да знае дека тој ја изневерува со мојата поранешна сопруга Џесика. Кутрата девојка, нема идеја кој е тој навистина“ – напиша Хозе.
И покрај сите гласини и обвинувања, други извори тврдат дека тие се пресреќни.
Популарниот пар објави дека се сврши по 2-годишна врска. И Лопез и Родригез имаат по две деца од претходните бракови.
