Џенифер Анистон го негува своето физичко и ментално здравје, а во најновото интервју сподели правила кон кои секојдневно се придржува за да го постигне тоа.
54-годишната актерка сними црно-бела фотосесија за CR Fashion Book и ги сподели своите велнес совети. „Пијам многу вода, секојдневно го движам телото, се обидувам да јадам помалку преработена и свежа храна и да спијам колку што можам повеќе. Последниот дел тешко ми оди, но е многу важен. Веднаш чувствувам последици кога не спијам доволно“ – изјавила Анистон.
„Се обидувам да бидам навистина внимателна за тоа што дозволувам да влезе во мојата глава. Нашиот свет минува низ некои предизвици и знам дека на сите ни е многу важно, но понекогаш сметам дека е императив да ја исклучиме вревата“ – дополнила ѕвездата од „Friends“.
Неодамна, Анистон откри нова фитнес програма во која инстрантно се вљубила. Станува збор за Pvolve метод, кој соединува функционални тренинзи и опрема со отпор.
„Мотивирана сум да вежбам како што не сум била со години. Се радувам на попредизвикувачките часови и се чувствувам посилно и поудобно во моето тело кога го правам тоа. Секојпат е различно, мислам дека не сум имала ист час двапати“ – открила Анистон.
