Џастин Тимберлејк со семејството замина на одмор во Мексико по скандалот со Бритни Спирс.
42-годишниот пејач беше фотографиран со сопругата Џесика Бил и двата сина откако неговата поранешна девојка Бритни откри дека абортирала кога имала 19 години затоа што тој не сакал да биде татко.
Џесика изгледаше одлично во црно-бели бикини додека се релаксираше со саканиот и децата во Кабо Сан Лукас.
Во изминатиот период, Џастин беше дел од многу наслови и од многу коментари на социјалните мрежи поради објавувањето на книгата на Бритни Спирс, „The Woman In Me“. Иако не даде никаква изјава во врска со напишаното во книгата, тој ги исклучи коментарите на Instagram. Според извори блиски до него, таа одлука била донесена како последица на „одвратните нешта кои ги кажуваат луѓето“.
Во „The Woman In Me“ таа за првпат се отвори за абортусот во 2000 година и сподели дека Џастин ја изневерувал за време на нивната 3-годишна врска.
„Тоа беше изненадување, но за мене, не беше трагедија. Многу го сакав Џастин. Секогаш очекував дека еден ден заедно ќе имаме семејство. Ова ќе беше многу порано одошто очекував.“
„Тој рече дека не сме подготвени да имаме бебе во нашите живот, дека сме премногу млади. Сигурно луѓето ќе ме мразат поради ова, но се согласив да немаме бебе“ – напиша таа за прекинот на бременоста.
Џастин и Бритни беа заедно од 1999 до 2002 година.
