Остануваат уште два месеци до премиерата на филмската верзија на „Убавицата и ѕверот“. Додека расте нетрпеливоста на фановите на дизниевите бајки, беше објавено ново видео од филмот, кое прикажува повеќе моменти помеѓу Бела и Ѕверот.
Во видеозаписот насловен „Шармирај ја“, госпоѓа Потс, Лумиер и Когсворт го советуваат Ѕверот да се обиде да ја шармира Бела, бидејќи има шанси токму таа да биде девојката која ќе ја скрши магијата.
Филмот ќе започне да се прикажува на 17 март оваа година. Бела ќе биде глумена од Ема Вотсон, а во улогата на Ѕверот ќе влезе Ден Стивенс.