Шарлиз Терон за првпат проговори за шпекулациите околу половата идентификација на нејзиното поголемо дете Џексон. Славната актерка сподели дека го прифати Џексон како девојче откако на 3-годишна возраст ѝ рекло дека не се чувствува како момче.
„Да, и јас мислев дека е момче. До моментот кога таа ме погледна кога имаше 3 години и ми рече: Не сум момче!“ - рекла таа во интервју за DailyMail.
Шарлиз го претстави Џексон пред светот како свој син кога го посвои во март 2012 година. Три години подоцна, таа посвои и девојче.
„Па ете! Имам две прекрасни ќерки, кои, како и секој родител, сакам да ги заштитам и да ги гледам како напредуваат. Тие се родени она што се и не е мое да одлучувам каде точно ќе се пронајдат во светот кога ќе пораснат. Мојата работа како родител е да ги сакам и да се потрудам да имаат сè што им е потребно за да бидат она што сакаат да се“ - рекла таа.
Терон вели дека на нејзините ставови и гледишта на животот најмногу влијаела мајка ѝ. „Можете да ја обвините мајка ми што не знам поинаку. Израснав во држава каде луѓето живееја со полувистини и лаги и шепотења и никој не зборуваше отворено, а јас бев растена специфично да не бидам таква. Мајка ми ме учеше да зборувам гласно“ - вели таа.