Шарлиз Терон се отвори за мрачниот период од нејзиниот живот. 41-годишната актерка проговори за живеењето со татко алкохоличар и за ноќта кога мајка ѝ го уби нејзиниот татко.
Имено, кога Шарлиз имала 15 години, нејзиниот татко Чарлс физички ја нападнал нејзината мајка Герда и во пијана состојба им се заканувал на двете. Заштитувајќи се себеси и својата ќерка, Герда го застрелала Чарлс. Бидејќи убиството било во самоодбрана, против Герда не било покренато обвинение.
„Се однесував како да не се случило тоа. Не кажав никому, не сакав да кажувам никому. Кога и да ме прашаше некој, велев дека татко ми почина во сообраќајна несреќа. Кој би сакал да кажува таква сторија? Никој не би сакал да кажува таква сторија. Не сакав да се чувствувам како жртва. Се измачував со тоа многу години додека не започнав со терапија“ – раскажа Терон во шоуто на Хауард Стерн.
Холивудската ѕвезда признала дека растењето со алкохоличар оставило силни траги во нејзиниот живот и дека терапијата ѝ помогнала да го осознае тоа.
За својата мајка, Шарлиз изјави: „Имам неверојатна мајка. Таа ми е огромна инспирација во животот... Нејзината филозофија беше: Ова е ужасно. Признај дека е ужасно. И направи избор. Дали ова ќе те дефинира? Дали ќе потонеш или ќе пливаш?“
Шарлиз со мајка си
