Шакира и Луис Хамилтон се во фокусот на папараците и медиумите, па виорат гласините дека има романтичен момент во нивните односи.
46-годишната пејачка му даде поддршка на славниот тркач на Ф1 Гран При на Шпанија, со што ги подгреа шпекулациите за врска.
Славната Колумбијка објави фотографија од нејзиниот престој во Барселона, а тоа беше повод за многу дискусии на фановите онлајн. Многумина се убедени дека таа и Луис се повеќе од пријатели.
Тие беа фотографирани заедно и додека се дружеа на бротче во Мајами.
Шакира се раздели од Пике минатиот јуни. Парот беше заедно 11 години и има две деца, а се смета дека причина за раскинувањето беше негова афера со Клара Чиа Марти.
