Владимир Крстевски – Франц има за што да се радува. Поранешниот член на групата Нокаут стана татко.
Македонскиот музичар и неговата сопруга Ема добија ќеркичка. Новороденото девојче го доби името Мелоди.
„На први јуни се роди мојата ќерка Мелоди Франц Крстевски. Ѝ посакувам добредојде на овој свет. Нашите срца се преполни со љубов и благодарам бескрајно на убавите честитки“ – напиша тој во описот на фотографија од бебенцето.
Франц и Ема стапија во брак во 2014 година. Парот веќе неколку години живее во Лос Анџелес.