Марко Пејчиновски испиша нова страница на храброст и истрајност.
19-годишниот Охриѓанец, кој страда од некроза на коската на ногата, за помалку од 20 часа го заврши модифицираниот триатлон „Ајронмен“ кој го најави во април.
Инспиративниот тинејџер трчаше 7 часа и 47 минути, возеше велосипед 2 часа и 33 минути, а пливаше 9 часа и 29 минути за да ја исполни својата цел од 107 километри.
„Пресреќен сум што со ваша поддршка успеав да го остварам предизвикот што самиот си го зададов“ – рекол тој по пристигнувањето на пристаништето во Охрид каде беше дочекан со силни аплаузи.
Пејчиновски започнал да плива на 10-годишна возраст кога докторите му рекле дека тоа е најдобра терапија за него.
„Никој не ме натера да се занимавам со пливање. Но, препораката на лекарите дека за некрозата во овој момент најдобра терапија е пливањето беше мотив да почнам да пливам. Сакам да бидам здрав кога ќе пораснам“ – рекол тој пред неколку години.
Овој подвиг за Марко не бил само физички тест, туку и „потрага по желбата за живот“ за да покаже дека со вера, дисциплина и волја, секој може да ги совлада најтешките пречки.
