Селена Гомез со најблиските пријателки отпатува во сончевиот Кабо Сан Лукас по повод моминската забава.
Славната актерка и пејачка сподели фото-албум од забавните мигови со кои прославува пред да заплива во брачните води.
Многу балони, бело фустанче со вел на кој пишуваше „Bride to be“ (идна невеста), весели здравици, музика во живо, танци и песни до зори... Прославите наликуваа на сцени од романтичен филм со свадбена тематика.
Селена се подготвува за свадбата со Бени Бланко, кој во меѓувреме беше на ергенска забава во Лас Вегас. Парот објави дека се вери во декември минатата година по една година врска.
