Џони Деп го искористи слободното време за да измами насмевки на лицата на болни дечиња. 54-годишниот актер ги изненади малите пациенти во детска болница во Ванкувер, каде се појави облечен како капетан Џек Спароу.
Ѕвездата од „Pirates of the Caribbean“ ги прегрнуваше и забавуваше дечињата низ ходниците, а одеше и од соба во соба за да ги запознае и пациентите кои не можат да стануваат од болничкиот кревет.
„Тој издвои време за навистина да се поврзе со нив и да ги насмее“ – изјавија од детската болница.