Вчера, ќерката на Алекс Родригез, Ела, го прослави својот 12-ти роденден со роденденска забава на отворено во Мајами.
Џенифер Лопез со своите близнаци сосем очекувано не ја пропуштија прославата.
50-годишната пејачка се забавуваше и се сончаше облечена во бело додека Ела славеше со блиските и пријателите. Присутните беа на дистанца и носеа заштитни маски, обидувајќи се да ги следат препораките за заштита од коронавирусот.
На забавата присуствуваше и поранешната сопруга на Алекс, Синтија.
Џенифер на Instagram ѝ го честиташе роденденот на Ела.
„На мојата сакана мала Ела... Кога првпат те запознав (беше многу мала тогаш), дотрча кај мене, ми седна во скутот, ги стави рацете околу мене и ме замоли кога ќе пораснеш да ти го подарам фустанот кој штотуку го носев на Греми во боја на лаванда. Во една секунда ми го освои срцето... Повеќе не си толку мала, но сè уште ми седиш во скутот и тоа ти се допаѓа!!! СРЕЌЕН РОДЕНДЕН слатко девојче. П.С. Ти го чувам фустанот“ – напиша таа.
