Хајди Клум стана мета на критики откако нејзините мали ќерки биле фотографирани на високи потпетици. Многумина невоздржано ја критикуваат познатата мајка поради обувките со штикла на 10-годишната Лени.
Пред неколку дена 41-годишната русокоса била фотографирана во Њујорк заедно со двете ќерки – Лени и Лу. Лени била облечена во син свечен фустан, додека 4-годишната Лу носела разнобоен фустан со сребрени сандали со малечка штикла.
Фотографиите повторно ги разгорија дискусиите за предвременото растење на децата и изборот на стил на облекување кој е соодветен за возраста.
На семејната средба присуствувале и двата сина на Клум, Хенри и Јохан.
Хајди во моментов активно ја промовира новата сезона на шоуто „Project Runway“.
