„На денешен ден, пред 62 години, почнав самостојно да дишам. И сè уште дишам, оти дишам длабоко“ – со овие зборови Игор Џамбазов, еден од највпечатливите уметници на македонската сцена, денес го одбележува својот 62-ри роденден.
Познат по своите харизма, хумор и талент што ги обединува сцената, телевизијата, музиката и литературата, Џамбазов со децении е еден од најомилените јавни личности во Македонија.
„И не е битно колку се. Битно е дека сè уште можам да ги пребројам. 2025-1963=62“ – напиша Џамбазов во описот на денешната објава на Instagram.
На социјалните мрежи, македонскиот шоумен доби бројни честитки од пријатели, колеги и обожаватели, кои со топли зборови му посакуваат здравје, радост и уште многу инспиративни моменти.
Неговата поранешна партнерка Илина Арсова објави шолја со заедничка фотографија и напиша: „Среќен роденден на една многу специјална личност“. Игор и Илина се разделија откако таа замина да живее во САД.
