Дејвид Бекам е еден од најпопуларните фудбалери на сите времиња, па и по пензионирањето, е активен поддржувач на овој спорт.
44-годишниот поранешен спортист заедно со ќерката Харпер и неговата мајка Сандра го бодреше англискиот тим на Светското првенство во фудбал за жени.
Дејвид страсно навиваше со Харпер и се радуваше на победата на Англија над Норвешка.
Фотографиите на кои Дејвид ја бакнува Харпер во уста повторно ги активираа критичарите, кои и во минатото го напаѓаа дека бакнежите во уста помеѓу родители и деца се изопачени. Новинарот Пирс Морган јавно го критикуваше Дејвид. „Многу е слатко... но, зошто татко би ја бакнувал ќерката на усните? Не го разбирам тоа – морничаво е. Чудно“ - рече тој.
На социјалните мрежи каде Дејвид споделува семејни фотографии се редат спротивставени мислења за ваквите бакнежи иако психолозите велат дека тоа е апсолутно нормално.