Мајли Сајрус има нов дом во Лос Анџелес, а неполна година по купувањето на имотот, ентериерот е веќе комплетиран и ја отсликува неа како личност.
За новиот изглед се погрижиле нејзината мајка Тиш и дизајнерот Мет Сандерс.
Во однос на уредувањето на просторот, Тиш вели дека се стремела да го долови карактерот на Мајли: „Најважно нешто кога ќе влезеш во нечија куќа, сакам да знаеш кој живее таму, каков е нивниот карактер, што сакаат и какви се во суштина. Ја познавам Мајли многу добро и сме многу блиски, па можев да го постигнам тоа“ – изјави таа за списанието Architectural Digest.
Коментирајќи ја мајка си во улога на дизајнер, Мајли вели: „Најдобрата особина на мајка ми како мајка и како дизајнер на ентериери е тоа што умее да разбира и не осудува. Сè што ќе замислам, таа го креира во реалноста, дури и да не е во нејзин стил. Таа дизајнира за своите деца (не сум единствената што ја користи мајка ми за дизајн, сите пет од нас ја користат) на истиот начин на којшто се грижи за нас. Таа го сака најдоброто за нас. Креирањето простори кои нè рефлектираат нас е најдоброто за нашето ментално здравје, нашата креативност и нашето пишување на песни.“
