Кристијано Роналдо неодамна потврди дека го очекува своето четврто дете. Неговата бремена девојка Џорџина Родригез сними фотосесија за Hola, а во интервјуто откри дека е фамилијарна личност и зборуваше за грижата за телото и здравјето.
Засега е објавена една фотографија, на која 23-годишната Шпанка позира во припиен црн фустан, истакнувајќи го трудничкото стомаче.
„Јас сум многу фамилијарна личност. Сакам деца, природа и животни. Сакам да се опкружувам со луѓе кои ме инспирираат да бидам подобра личност секој ден и кои имаат добра енергија“ – рекла Родригез.
Џорџија изјавила дека посветува многу внимание на себе. „Сакам да се грижам за себе со спортување и балансирана исхрана. Се обидувам да внесувам природни производи и да избегнувам тешки оброци. Не следам строго никаква диета, бидејќи и јас сакам да уживам. Што би бил животот без тие мали задоволства?“ – додала таа.
Славниот Португалец пред месец и половина стана татко на близнаци од сурогат-мајка. Роналдо има и 7-годишен син, над кого има целосно старателство, но идентитетот на неговата мајка никогаш не беше откриен.
Ова ќе биде прво заеднично дете на Џорџина и Кристијано.
