Бред Пит и неговата бремена колешка Марион Котијар се на турнеја низ Европа за да го промовираат својот заеднички филм „Allied“.
Синоќа, елегантното дуо присуствуваше на премиерата на филмот во Мадрид, Шпанија. На црвениот тепих во киното „Callao“, 41-годишната актерка зачекори во црн долг фустан од Giorgio Armani Privé, кој го надополни со накит од Chopard. 52-годишниот Бред шармираше во костум од Salvatore Ferragamo.
Претходно, двајцата актери присуствуваа на премиерното прикажување на „Allied“ во Лондон. Марион мамеше погледи во креација од Стела Мекартни и накит од Chopard.
Пред два дена во Париз, Котијар блесна покрај Пит во црвен долг фустан со еден ракав од Диор и накит од Chopard.
