Метју Пери вечно ќе остане во срцата на фановите на серијата „Friends“.
Бројни обожаватели на различни начини му оддаваат почит на славниот актер, кој изминатиов викенд беше пронајден мртов во џакузи во неговиот дом.
Пред зградата во која се наоѓаше апартманот на Чендлер Бинг во популарната серија, сега се положуваат цвеќиња, се редат свеќи и други предмети кои асоцираат на сцени со Чендлер.
„Жал ни е што немаше никој покрај тебе. Многу си сакан и ќе им недостигаш на многу генерации. Фала ти што беше наш пријател“ – пишува на една од пораките.
Пери имаше само 54 години.
@emilyvogelplease #matthewperry #rip #friends #chandlerbing #breakingnews ♬ sonido original - Sebastos Maximo
@nicola_cardone visiting “Friends” apartment in NYC some days ago and this was not the edit I was planning .I.P Matthe #matthewperry #chandler #chandlerbing #friends #friendsreunion #matthewperryedit #love #funny #tvshow #rip #nyc #newyork #travel ♬ original sound - Yan Escote
Креаторите на „Friends“ Марта Кауфман и Дејвид Крејн објавија официјално соопштение по смртта на Метју.
„Шокирани сме и многу, многу тажни поради смртта на нашиот сакан пријател Метју. Тој беше брилијантен талент. Клише е да се каже дека актерот ја прави улогата своја, но во случајот на Метју нема повистинити зборови. Од денот кога за првпат го слушнавме како ја отелотворува улогата на Чендлер Бинг немаше никој друг актер за нас. Секогаш ќе ја негуваме радоста, светлината и заслепувачката интелигенција што ја носеше во секој момент. Секогаш беше најсмешната личност во собата“ – стои во нивното соопштение.
