Снуп Дог го собра семејството на едно место за нова новогодишна кампања.
52-годишниот рапер сними фотосесија и видео за The Children’s Place за претстојната празнична сезона. Во неа се вклучија и неговата сопруга Шанте, децата и внуците. Трите генерации од семејството носеа ускладена празнична облека и пижами.
„Семејството е сè. Вистински благослов е да се работи со фамилијата. Неверојатно е што во оваа кампања покрај мене ги имав Шанте, моите деца и моите внуци“ – рече раперот.
Пејачот на хитот „Drop It Like It’s Hot“ има два сина и една ќерка со сопругата Шанте. Тој има уште еден син од претходна врска.
