Тејлор Свифт сподели дека нејзиното семејство поминува низ тежок период. Популарната пејачка, во интервју за Variety, откри дека нејзината мајка е исправена пред многу сериозен здравствен предизвик.
Имено, додека Андреа Свифт по вторпат се лекувала од рак на дојка, докторите откриле и тумор на мозокот.
„Додека се лекуваше, открија тумор на мозокот. Симптомите на личност која се соочува со тумор на мозокот не се споредуваат со ништо што сме виделе од ракот претходно. Па, многу е тежок период за нас како семејство“ – изјави Свифт.
„Секој си ја сака својата мајка, секоја има важна мајка. Но, за мене, таа навистина е водечката сила. Речиси за секоја одлука која ја носам, прво разговарам со неа“ – вели таа.
Здравствената состојба на мајка ѝ е причината што Тејлор одлучи да не оди на голема турнеја за новиот албум „Lover“.
Во моментов, таа го промовира документарниот филм за нејзиниот живот „Taylor Swift: Miss Americana“.
