Тамара Тодевска постигна најдобар пласман досега за нашата држава на Евровизија, но нејзиниот фустан наиде на модни критики.
34-годишната пејачка се најде на петтото место на листата со најлошо облечени претставници на овогодишниот музички натпревар.
На големата сцена во Тел Авив, Тодевска носеше зелена креација од Александар Ношпал.
Наградата Барбара Декс, која од 1997 година им се „доделува“ на учесниците со најлош моден избор, оваа година отиде во рацете на португалскиот претставник Конан Осирис. На листата се најдоа и претставниците на Кипар, Белорусија и Белгија.
Конан Осирис - Португалија
Тамта - Кипар
Зена - Белорусија
Елиот - Белгија
Македонските претставници Eye Cue минатата година ја добија наградата за најлошо облечени. Претходно, оваа „титула“ му беше доделена и на Мартин Вучиќ, кој нè претставуваше на Евровизија во 2005 година.