Ќерката на Тамара Тодевска и Александар Димитровски – Мачка денес наполни четири години. Славната македонска пејачка со сопругот ѝ организираа роденденска забава на малата Хана во домашни услови во Гевгелија.
34-годишната музичка ѕвезда сподели фотографии и видеа на Instagram. На нив, слатката Хана е облечена во фустан со Елза, а целата забава е на тема „Frozen“.
„Роденден, мала карантинска забава. Пс. Тортата ја правевме свекрва ми и јас, само да знаете“ – напиша Тамара во описот.
Тијана Дапчевиќ со порака ѝ го честиташе роденденот на внука си Хана. Таа објави фотографија и напиша: „Ова е мојата вила Хана. Се роди пред 4 години на денешен ден и ова е прв роденден кој не го славиме заедно. Но, ќе има уште родендени и убави денови, девојче мое најмило, само да бидеме здрави! Те сака тета до небото и ѕвездите“.