Ријана го промовираше филмот „Valerian“ во Париз, па за време на престојот во Франција, таа беше поканета на средба со Брижит и Емануел Макрон.
29-годишната пејачка и 64-годишната прва дама на Франција се сретнаа пред Елисејската палата во Градот на светлината.
Славната пејачка се појави во црно-сива комбинација од Диор, која изгледаше како да ѝ е поголема за неколку конфекциски броеви.
Ријана разговараше со Емануел Макрон за образованието на децата. „Тукушто имав неверојатна средба со претседателот на Франција и првата дама. Тие беа неверојатно гостопримливи, се фокусиравме на темата за образованието од глобален аспект“ - рекла Ријана.
Ријана минатата година стана амбасадор на „Global Partnership For Education“, глобален фонд посветен на образованието во земјите во развој.
